देउराली । सप्तरीको बोदेबर्साइन नगरपालिकामा ट्र्याक्टर दुर्घटना हुँदा १ जनाको मृत्यु भएको छ ।
नगरपालिकाको ३ नम्बर वडा पुर्बारी टोलस्थित भित्री सडक खण्डमा प्र–२–०१–००१ त २५१७ नम्बरको ट्र्याक्टर अनियन्त्रित भएर दुर्घटना हुँदा चालक सोही नगरपालिकाको वडा नम्बर १ धनगढी बस्ने २२ वर्षीय पङ्कज यादवको मृत्यु भएको जिल्ला प्रहरी कार्यालय सप्तरीले जनाएको छ।
कार्यालयका अनुसार यादवको आइतबार बिहान करिब १० बजे घटनास्थलमै मृत्यु भएको थियो । मृतक यादवको सबलाई पोस्टमार्टम अस्पताल पुर्याइएको र घटनाको थप अनुसन्धान भइरहेको सप्तरीका प्रहरी प्रवक्ता प्रहरी नायब उपरीक्षक नरेशकुमार सिंहले जानकारी दिए।
