वराहक्षेत्र । वराहक्षेत्र मन्दिर नजिक कोसीनदीमा डुबेर १ जनाको मृत्यु भएको छ भने अन्य २ जना बेपत्ता भएका छन् ।
बुधबार बिहान कोकाह र कोसी नदीको सङ्गम स्थलमा नुहाउने क्रममा नदीमा डुबेर दमक नगरपालिका ९ का २१ वर्षीय नवीन न्यौपाने, उनका १९ वर्षका भाइ रुद्र न्यौपाने र उर्लाबारी नगरपालिका ७ का राज गुरागाईँ बेपत्ता भएका थिए ।
बेपत्ता भएका उनिहरू मध्ये नवीनको शव दिउसो १ः५० मा फेला परेको इलाका प्रहरी कार्यालय चक्रघट्टी इन्स्पेक्टर राजेश दत्तले जानकारी दिएका छन् । उनका अनुसार शवको मुचुल्का गरी पोस्टमार्टमका लागि धरान स्थित वीपी कोइराला स्वास्थ विज्ञान प्रतिष्ठान ल्याइएको छ ।
त्यस्तै, बेपत्ता भएका अन्य २ जनाको भने खोजिकार्य भइरहेको दत्तले बताएका छन् । नुहाउने क्रममा नदीमा डुबेका उनिहरू श्राद्ध गर्न गएकाे बताइएको छ ।
