धरान । साना किसान कृषि सहकारी संस्था लि. धरानको २६ औं वार्षिक साधारण सभा सम्पन्न भएको छ ।
सभामा विभिन्न व्यक्तित्वहरुलाई सम्मान गरीएको थियो । कार्यक्रममा साना किसान कृषि अवार्ड २०८० बाट कृष्ण राईलाई सम्मान गरीएको थियो ।
त्यसैगरी जेष्ठ शेयर सदस्यहरु मध्येबाट महिलातर्फ सुविमाया राई र पुरुषतर्फ गोपाल सार्कीलाई सम्मान गरीएको थियो । शेयर पूँजी २ करोड ४३ लाख रहेको र वचत तथा निक्षेप ४ करोड ३१ लाख ६६ हजार रुपैयाको कारोवार गरेको प्रतिवेदनमा उल्लेख गरीएको छ । संस्थाले ४७ लाख २५ हजार रुपैया मुनाफा आर्जन गर्न सफल बनेको जनाएको छ ।
त्यसैगरी एसईई परिक्षामा उत्कृष्ट अंक ल्याउने विद्यार्थीहरु मध्येबाट छात्रतर्फ विज्ञान सिग्देल र छात्रातर्फ अभिसा श्रेष्ठ तथा कक्षा प्लस टु मा उत्कृष्ट अंक ल्याउनेमा छात्रतर्फ भाष्कर राई र छात्रातर्फ श्रेजल गुर्माछाने मगरलाई सम्मान गरीएको थियो । संस्थाका अध्यक्ष शिला राईको सभापतित्वमा भएको सो कार्यक्रममा साना किसान विकास वैंक इटहरी शाखाका प्रमुख दिपकराज पाण्डे प्रमुख अतिथि रहेका थिए ।
कार्यक्रममा संचालक समिति सदस्य टिकाराम बस्नेतले स्वागत मन्तव्य गरेका थिए भने सदस्य सचिव विष्णुकुमार श्रेष्ठले सञ्चालन गरेका थिए । कार्यक्रममा धरान ४ का वडाध्यक्ष धनबहादुर राई ५ का वडाध्यक्ष मनप्रसाद लिम्वु, ६ न.वडा राजेन्द् न्यापाने विशेष अतिथि रहेका थिए ।
