भद्रपुर । स्थापना दिवसको अवसरमा आयोजना गरेको रक्तदान कार्यक्रममा एक महिलासहित १९ जनाले रक्तदान गरेका छन् । झापाको भद्रपुरमा मारवाडी युवा दिवसको अवसरमा भद्रपुर मारवाडी युवा मञ्चले बुधवार आयोजना गरेको रक्तदान कार्यक्रममा उनिहरुले रगत दान गरेका हुन् । कार्यक्रममा मारवाडी समुदायसहित नगरबासीले रक्तदान सहभागिता जनाएका थिए । पूर्वका बल्ड बैंकमा रगत अभावलाई मध्यनजर गर्दै मारवाडी युवा मञ्चले यसबर्ष स्थापना दिवसको अवसरमा रक्तदान कार्यक्रमको आयोजना गरेको मञ्चका अध्यक्ष मुकेश मित्रुकाले जानकारी दिए । भद्रपुरस्थित मोहपाल धर्मशालामा भएको कार्यक्रममा नेपाल रेडक्रस सोसाइटी झापा शाखाको प्राविधिक सहयोग रहेको थियो । मञ्चले वार्षीक रुपमा यस्ता सामाजिक कार्यक्रम गर्दै आइरहेको मित्रुकाले जनाए ।