मोरङ । मोरङमा वन फँडानी तीव्र भइरहेका बेला वन कार्यालयले अवैध काठ बरामद गरेको छ । सुन्दरहरैचा नगरपालिकाको त्रिवेणीस्थित किशोर कार्कीको घरबाट बिहीबार वन कर्मचारीले काठ बरामद गरेका हुन् ।
शौचालयमा लुकाइराखेको काठ सलकपुर वन कार्यालयका प्रमुख लालबहादुर माझीको पहलमा बरामद गरिएको वन कार्यालयले जनाएको छ ।
बिहीबार काठ बरामद गरेर ल्याउनासाथ पार्टीका स्थानीय नेताहरु भने दोषी छुटाउन माग गर्दै वन कार्यालय पुगेका छन् ।
पछिल्लो समय मोरङमा वन फँडानी तीव्र गतिमा भइरहेको छ । फँडानी बढे पनि प्रहरी प्रशासनले चासो नदिएकाे गुनासो स्थानीयले गरेको छन् । पूर्वसांसद् चन्द्रबहादुर गुरुङले वन फँडानीबारे प्रहरीकोमा उजुरी गर्दासमेत बेवास्ता गर्ने गरेकाे गुनासो गरे ।
