विराटनगर/ विराटनगर–९ मा रहेको हिमालय दर्शन कलेजले पाँचौै वार्षिक उत्सव मनाएको छ ।
कलेजकोे प्राङ्गणमा सोमबार एक कार्यक्रम आयोजना गरी वार्षिक उत्सव मनाएको हो । वार्षिक उत्सवमा विद्यार्थीले नृत्य, गायन, नाटकलगायतको विभिन्न कार्यक्रमको आयोजना गरी उपस्थित अतिथि, अभिभावक, शिक्षक तथा विद्यार्थीलाई मनोरञ्जन प्रदान गरे । सो अवसरमा बोर्ड परीक्षा, आन्तरिक परीक्षा तथा आन्तरिक खेलकुदमा उत्कृष्ट हुने विद्यार्थीलाई पुरस्कार तथा प्रमाण पत्र वितरण गरिएको थियो ।
कार्यक्रमको प्रमुख अतिथि पूर्वाञ्चल विश्व विद्यालयका परीक्षा नियन्त्रक प्रा.डा. सुर्यप्रसाद संग्रौला, विराटनगर महानगरपालीका प्रमुख भीम पराजुली, पूर्वाञ्चल विश्व विद्यालयका सह–नियन्त्रक तेजराज गिरी, कलेज प्रमुख भरत सापकोटा लगायतले बोलेका थिए ।
