पथरी/ ‘हाम्रो स्वास्थ चौकी राम्रो स्वास्थ चौकी’ भन्ने नाराका साथ कानेपोखरी गाउँपालिका–४, का दुई वटा क्लबले बयरवन बजारमा रहेको बयरवन स्वास्थ चौकीको सरसफाई गरेका छन् ।
आइतबार विहान स्वास्थ चौकीको वरिपरी र वडा नम्बर –४ वडा कार्यालयको परिसरमा मातृभूमि समाजसेवा क्लब र बयरवन युवा जमातले सँयुक्त सरसफाई गरेको हो । सरसफाईमा स्वास्थ चौकीको भवन पछाडीको वनमारा, झाँर, लहरा,बाँस लगाएत सफा गरेर फोहोर थुपारेका थिए । मातृभूमि समाज सेवा क्लब नारायण चौकबाट ३० जना,बयरवन युवा जमात क्लबबाट ४० जना र स्थानीय समाजसेवी,शिक्षकहरु लगाएत एक सयजनाको उपस्थीतमा सरसफाई गरेका थिए । सरसफाई कार्यक्रममा स्वास्थ चौकीका अध्यक्ष तथा वडाध्यक्ष धनबहादुर राई, वडा सदस्यहरु रोषन गुरुङ, शिव दुलाल र सावनी माझी कार्यक्रम सुरु देखि नै सरसफाईमा सहभागी भएका थिए । क्लबले यस अघि पनि वडा कार्यालय र स्वास्थ चौकी सरसफाई गर्दै आएको थियो ।
