देउराली । धरान ८ यलम्बर पार्कमा सनिबार दुर्इ समुह बीच झगडा हुदा दुर्इ जना घाइते भएका छन् । करिव दिउसो दुई बजे दुई समुह बिच भएको झगडामा खुकुरी प्रहार हुदा जना घाइते भएका हुन् । घाइते हुनेहरुमा झापा शिवसताक्षी नगरपालिका –९ घर भइ हाल धरान ८ बस्ने वर्ष २० का विश्वराज लिम्बू र तेह्रथुम, मेन्छ्याक गाउपालिका–१ घर भई धरान १५ मिलन चौंक बस्ने वर्ष २९ का सुरेस पान्धाक लिम्बु रहेका छन् ।
गम्भिर घाइते उनिहरुको उपचार धरानको विपि स्वास्थ विज्ञान प्रतिष्ठान लगिएको भएपनि उपचारमा कठिनाइ भएपछि थप उपचारका लागि हिजै विराटनगरको न्युरो अस्पताल लगिएको इलाका प्रहरी कार्यलय धरानले जनाएको छ । खुकुरी प्रहार गर्ने ६ जनालाई पक्राउ गरी कानुनी अावश्यक अनुसन्धान भइरहेको इलाका प्रहरी कार्यलय धरानले जनाएको छ । पक्राउ पर्नेमा धरान ८ का मिलन विश्वकर्मा, सुमन शंकर, दोर्जे तामाङ, रोमन पौडेल, म्याक्स रार्इ, धरान १६ बस्ने आषिश मगर र धरान १५ बस्ने सृजन मगर रहेका छन् । उनीहरूबीच के विषयमा झगडा भएकाे हाे भन्ने समेत प्रहरीले खुलाएकाे छैन ।
