विराटनगर । नेपाल पौडी सङ्घ मोरङको आयोजनामा विराटनगरमा पौडी प्रतियोगिता आयोजना गरिएको छ । विराटनगरस्थित फन एण्ड फुट रिसोर्टमा शुक्रबार पौडि प्रतियोगिता आयोजना गरिएको हो ।
महिला र पुरूष गरी छुटा छुट्टै विद्यामा पौडी प्रतियोगिता भएको थियो । पुरूषतर्फ ४ सय मिटर पौडीको प्रथम सार्थक श्रेष्ठ, द्वितीय आयूष लामा र तृतीय सुमित साह भए । त्यस्तै ८ सय मिटरतर्फको प्रथम ससाहाङ्ग राई, द्वितीय अजय सोरेन र तृतीय अञ्जन मलिक भए । यस्तै सोही विधाको १ सय मिटर तर्फको प्रथम कालुराम माझी, द्वितीय अजय सोरेन र तृतीय प्रमोद सोरेन भए ।
यसै गरी महिलातर्फ १ सय मिटरको प्रथम उपसना राई, द्वितीय प्रशंसा रिजाल र तृतीय उदेन लामा भइन् । यस्तै सोही विधाको २ सय मिटरतर्फ प्रथम उदेन लामा, द्वितीय सिरीम प्रसाईं र तृतीय अङ्किता खड्का भइन् ।
प्रतियोगिताको पुरुषतर्फको उत्कृष्ट खेलाडी आयुष लामा र महिलातर्फको उत्कृष्ट खेलाडी उपसना राई घोषित भइन् । उदीयमान खेलाडी को सम्मान आरसीया पोद्धारले पाइन् ।प्रतियोगितामा ९० जना खेलाडीहरूले भाग लिएका थिए । विजेता हुनेहरूले ट्रफी तथा प्रमाणपत्र प्राप्त गरेका थिए ।
