झापामा सडेको अवस्थामा हात्ती फेला

alt
  • माघ १२, २०७६
  • २१७ पटक पढिएको
  • उतम नेपाल

भद्रपुर /  एउटा जङ्गली हात्ती मरेर सडेको अवस्थामा फेला परेको छ । कचनकवल ३ स्थित अभिमुक्तेश्वर सामुदायिक वन भित्र आइतबार दिउँसो फेला परेको जिल्ला प्रहरी कार्यालय झापाले जनाएको छ । 

करिब एक महिना अघि हात्ती मरेको हुनसक्ने जिल्लाका डिएसपी महेन्द्रकुमार श्रेष्ठले जानकारी दिए । १२ फिट लम्बाइ,८ फिट २ इन्च उचाइ भएको अन्दाजी ३० वर्ष उमेर भन्दा माथि रहेको डिभिजन वनका कर्मचारी डिल्लीराम खरेलले जानकारी दिए । शनिवार बेलुका दाउरा टिप्न गएका स्थानीयले जङ्गलमा मृत अवस्थामा हात्ती देखेपछि सामुदायिक वन समितिका पदाधिकारीलाई जानकारी गराएको समितिका अध्यक्ष गिरीराज नेपालले जानकारी दिए ।
हात्ती आफै मरेको वा मारिएको विषयमा अहिले केही भन्न नमिल्ने र यस विषयमा अनुसन्धान भइरहेको डिभिजन वन कार्यालयले जनाएको छ । हात्तीको दारा छैन, हात्तीको छाला र हड्डी परीक्षणका लागि विधि परीक्षण प्रयोगशाला पठाउने जनाइएको छ । परीक्षण रिपोर्ट आएपछि मात्र केही भन्न मिल्ने उनको भनाई छ । हात्तीको हड्डी भएको टाउको भाग वन कार्यालय ल्याएको र मृतक हात्तीलाई त्यही पुरिदिएको उनले बताए ।
७० प्रतिशत भन्दा बढी सडेका कारण लिङ्ग नछुटिएको उनले जानकारी दिए । हात्तीलाइ सोही स्थानमा खाल्डो खनेर गाडीएको उनले बताए । जलथल जङ्गलमा आठ महिना अघि पनि एउटा छावा जङ्गली हात्तीको मृत्यु भएको थियो ।
साबिक जलथल गाविस १ हाल हल्दिवारी ३ स्थित रनकाली सामुदायिक वनभित्र छावा जङ्गली हात्तीको करेन्ट लागेर मृत्यु भएको थियो । २०६७ सालदेखि हालसम्म झापामा १२ वटा जङ्गली हात्तीको मृत्यु भइसकेको कार्यालयले जनाएको छ ।

‘चपली हाइट ३’ को अष् ...

धरान/ फिल्म ‘चपली हाइट ३’ को अaष्ट्रेलिया प ...

प्रजातन्त्रको सात दश ...

धरान/ नेपालीहरूले प्रजातन्त्र पाएको सात दशक भयो । यो अव ...

२५औं जनयुद्ध दिवस ...

भरखरै बितेको फागुन १ गते देशव्यापी जनयुद्ध दिवस मनाइयो ...

सहकारीको ठगी धन्दा र ...

तराई मधेशका ग्रामीण क्षेत्रमा सदियौंदेखि जमिनदार सामान् ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved