कप्तान लियोनल मेस्सीको र्कीतिमानी खेलमा बार्सिलोनाले स्पेनिस ला लिगा फुटबलमा सहज जित निकालेको छ ।
उपाधि दाबेदार बार्सिलोनाले आइतबार राति भएको खेलमा रियल सोसिडाडलाई ६–१ गोल हराएको हो ।
रियल सोसिडाडको घरेलु मैदानमा भएको खेलमा बार्सिलोनालाई जित दिलाउन मेस्सी र सेर्जिनो डेस्टले दुई–दुई गोल गरे । त्यस्तै एन्टोनियो ग्रीजम्यान र ओसुमाने डेम्बेलेले एक–एक गोल गरे ।
उता सोसिडाडका लागि एण्डरले एक गोल फर्काए । आजको खेलमा मेस्सीले बार्सिलोनाको जर्सीमा सर्वाधिक खेल खेल्ने खेलाडीको र्कीतिमान बनाएका छन् ।
मेस्सीले बार्सिलोनाको लागि ७६८ खेल खेल्दै क्लबका लागि सर्वाधिक धेरै खेल्ने खेलाडी बनेका हुन् । यो भन्दा पहिला बार्सिलोनाका पूर्व खेलाडी जाभीले ७६७ खेल खेलेका थिए ।
जितसँगै बार्सिलोना लिगको दोस्रो स्थानमा उक्लिएको छ । लिगमा २८ खेल खेलेको बार्सिलोनाले ६२ अंक जोडेको छ । पराजित सोसिडाड ४५ अंक सहित पाँचौं स्थानमा छ ।
