सिरहा । सिरहा जिल्लाको मिर्चैया नगरपालिकामा लायन्स क्लव अफ मिर्चैया सिटिको पदस्थापन, शपथ ग्रहण र बडापत्र प्रसूती करण भव्यताका साथ सम्पन्न गरेको छ ।
उक्त कार्यक्रमका प्रमुख अतिथि मिर्चैया नगरपालिकाका नगर प्रमुख श्रवण कुमार याबदले पानसमा बत्ती बालेर समुद्घाटन गर्नुभएको हो ।
सामाजिक क्षेत्रमा सकृय रहेको यस लायन्स क्लव अफ मिर्चैया सिटिका अध्यक्ष अशोक कुमार साहले आफनो पदभार ग्रहण गरेको हुन् । पदभार ग्रहण संगै साहले लायन्स वर्ष २०२१।०२२ को लागि अध्यक्ष पदमा रहेर कार्य गर्ने छन् ।
अध्यक्ष साहले भने क्लवलाई अगाडि बढाउन सबैको सहयोग चाहिने भन्दै सम्पुर्ण सदस्य र अग्रजहरुको सल्लाहमा अगाडि बढ्ने बताए ।
सचिवको पदभार लायन्स भरत महासेठ र कोषाध्यक्ष दिनेश कुमार यादब, प्रथम उपाध्यक्ष अरुण कुमार सिंह, द्धितीय उपाध्यक्ष देवकृष्ण साहले आगामि कार्यकालको लागि पदभार ग्रहन गरेका छन् ।
उक्त कार्यक्रममा लायन्स क्लव अफ लहान सिटिकका अध्यक्ष संजयराज शर्माको अध्यक्षतामा भएको कार्यक्रममा प्रमुख अतिथिको रुपमा मिर्चैया नगरपालिकाका नगर प्रमुख श्रवण कुमार यादबको उपस्थिति रहेको थियो ।
त्यसै गरि बिशिष्ट अतिथिको रुपमा डिस्ट्रिक गभर्नर लायन केशव पाण्डे,निवर्तमान गभर्नर लायन डा.सुशिला मल्ल, प्रथम भाइस लायन डिस्ट्रिक गभर्नर लायन दिनेश प्रसाद श्रेष्ठ,दवितीय भाइस डिस्ट्रिक गभर्नर लायन उत्तम झा, अतिथिको रुपमा क्याबिनेट सेक्रेटरी लायन शिव कटुवाल, क्याबिनेट टे«जरर लायन शेर बहादुर परियार, जिएसटि कोअर्डिनेटर लायन दिपक प्रजापति, क्लष्टर चिफ लायन शंकर कुमार शारदा,क्लष्टर सेक्रेटरी लायन चक्रपाणि दाहाल, एडिसनल क्याबिनेट सेक्रेटरी लायन मोहन अर्याल, एरिया कोअर्डिनेटर लायन भरत अधिकारी,रिजन बेयरपर्सन लायन धरणिधर अधिकारी,जोन चेयरपर्सन लायन सुदिप कुमार चौभरी, लायन्स क्लब अफ गाईघाट सिटि लायन सविन खनाल, मिर्चैया उद्योग बाणिज्य संघ अध्यक्ष हरीशंकर साह,नेपाल रेडक्रस सोसाइटी उपशाखा मिर्चैयाका कोषाध्यक्ष राजदेव कापर, पतंजली योग समिति मिर्चैयाका अध्यक्ष अकलदेव सिंह,नगरका विभिन्न वडाका वडाध्यक्षहरुलगायत,बुद्धिजिवी, समाजसेवी, नगरवासी, संचारकर्मीहरुको सहभागिता रहेको थियो । कार्यक्रमको सञ्चालन भरत महासेठले गरेका थिए ।
