बेलबारी । मोरङको सुन्दरहैँचमा भएको दुई दिवसीय ब्याडमिन्टन प्रतियोगीतामा बेलबारी जेसिज र जनरल इन्सुरेन्स धरान प्रथम भएका छन् ।
शुक्रबार देखी सुरु भएको प्रतियोगिता कर्पोरेट र जेसिज गरी दुई इभेन्टमा भएको हो । कर्पोरेट तर्फ जनरल इन्सुरेन्स धरान र जेसिज तर्फ बेलबारी जेसिज प्रथम भएका हुन् । सुन्दरहैँचाको सलपुरस्थित दुर्गादेबी दुलाल सुन्दरहैँचा स्पोट्स क्लवको कवर्ड हलमा भएको थियो ।
कर्पोरेट तर्फ २३ टिम र जेसिज तर्फ २६ टिमको सहभागिता रहेको थियो । कर्पोरेट तर्फ प्रथम, द्वतिय र तृतीय हुने टिमले क्रमशः ३१ हजार, २१ हजार र ११ हजारका दरले नगद मेडल र प्रमाणपत्र पाएका थिए भने जेसिज तर्फ प्रथम, द्धितिय र तृतीय हुने टिमलाई क्रमशः २५ हजार, १५ हजार र ७ हजारका दरले नगद मेडल र प्रमाणपत्र पाएका थिए ।
शनिवार भएको उक्त फाइनल खेलमा सुन्दरहैँचा नगरपालिकाका मेयर शिव प्रसाद ढकालले विजेता टिमलाई पुरस्कार वितरण गरेका थिए । कर्पोरेट तर्फ मन्जरी पेन्ट दोस्रो र लायन्स क्लव अफ इन्द्रपुर र पिपिए इन्द्रपुर तेस्रो भएका थिए त्यसैगरी जेसिज तर्फ कमलनगर जेसिज दोस्रो र टंकिसिनवारी जेसिज तेस्रो भएका हुन् ।
