शनिबार देखी हुने भनेको बुढासुब्बा गोल्ड कपको २३ औँ संस्करण नहुने भएको छ । आयोजक धरान फुटबल क्लबले शुक्रबार एक विज्ञप्ति जारी गर्दै विभिन्न कारण बस उक्त समय तालिकामा प्रतियोगिता नहुने जनाएको छ ।
धरान फुटबल क्लब किशोर राई हस्ताक्षर रहेकाे विज्ञप्तिमा कोरोना महामारी र आउँदै गरेको स्थानीय निकायको चुनावका कारण अपेक्षा गरेअनुरूप दाताहरूबाट हुने सहयोग पाउन सक्ने अवस्था नरहेको हुनाले बुढासुब्बा गोल्ड कपको २३ औँ संस्करणलाई केही पछि सार्नु परेको जनाइएकाे छ ।
उनका अनुसार आर्थिक वर्ष २०७८ /०८९ अगावै सम्भव भएसम्म चाँडो भन्दा चाँडो आयोजनाको अर्को मिति घोषणा गरिने छ ।
फागुन १८ गते पत्रकार सम्मेलन गर्दे क्लबले चैत २६ गते देखी बैशाख ३ गतेसम्म प्रतियोगिताको समय तालिका घोषणा गरेको थियो । जसमा विजेतालाई नगद १० लाख र उपविजेतालाई नगद ५ लाख दिने जनाएको थियो ।
