धरान उपमहानगरपालिकाका नव निर्वाचित मेयर हर्क साम्पाङको खोला उत्खननमा कडाइ गर्न थालेपछि अबैधरूपमा ढुङ्गागिट्टि लिन खोलामा पुगेका ट्याक्टरहरू लाई नियन्त्रण गर्न थालिएको छ ।
बुधवार मात्र उपमहानगरपालिकाका नगर प्रहरी तथा प्रहरीको संयुक्त टोलीले ४ वटा ट्याक्टर र चालकलाई नियन्त्रणमा लिएको छ । धरान ११ वानडाडाँ नजिकै सर्दु खोलाबाट को २ त १३६४ र को १ त ४५४०, को २ त १३६४ र को १ त ४५४० नम्बरको ३ वटा ट्याक्टरलाई नियन्त्रणमा लिएको नगर प्रहरी प्रमुख विष्णु कोइरालाले जानकारी दिए ।
त्यस्तै, धरान १५ सेउती खोलाबाट को २ त ३१५४ नम्बरको ट्र्याक्टर नियन्त्रणमा लिइएको हो । ट्याक्टरसँगै ट्याक्टर चालक विवेक थापा, निखिल परियार, सौगत घले र भूपाल बस्नेतलाई पनि नियन्त्रणमा लिई धरान ८ स्थित नगर प्रहरीको कार्यालय रहेको सभागृह परिसरमा राखिएको नगर प्रहरीले जनाएका छन् ।
खोलामा नदीजन्य पदार्थ उत्खननका लागि सवारीसाधन प्रवेशमा निषेध गरिएको र उत्खनन हुँदैगरेको फेला पारे कडा भन्दा कडा कारबाही गरिने धरान उपमहानगरपालिकाले जनाएको छ ।
