विजयपुर । के.के.इन्टरनेसनल स्कुल धरानको तीन दिवसीय वार्षिक खेलकुद सुरु भएको छ ।
आइतबार धरान रङ्गशालामा स्कुलको खेलकुद सुरु भएको हो । तीन दिवसीय कार्यक्रममा म्याराथुन, सटपुट, लङ जम्प, बास्केटबल, फुटबल, कबड्डीलगायतका खेलहरू हुने स्कुलकी को–अर्डिनेटर सङ्गिता कालिकोटेले जानकारी दिइन् ।
कार्यक्रमका प्रमुख अतिथि म्याराथुन धावक वैकुण्ठ मानन्धरले खेलाडीहरूमा अनुशासन हुनुपर्ने बताए । स्कुलका खेलाडी विद्यार्थीहरूलाई डाइरेक्टर प्रविन अग्रवालले सपथग्रहण गराए ।
स्कुलकी शिक्षिक गोमा दाहालले विद्यालयको वार्षिक प्रतिवेदन प्रस्तुत गरेकी थिइन् । कार्यक्रममा स्कुलका निर्देशकद्वय खगेन्द्रप्रसाद खतिवडा, अशोककुमार अग्रवाल, भाइस–प्रिन्सिपल रविन सिएमलगायतको उपस्थिति रहेको थियो । कार्यक्रमको समापन भोलि (मङ्गलबार) हुनेछ ।
