इनरुवा । सोह्रौँ गणतन्त्र दिवसको अवसरमा इनरुवामा विविध कार्यक्रम आयोजना गरिएको छ ।
गणतन्त्र दिवस मूल आयोजक समितिको आयोजनामा इनरुवामा प्रभातफेरीदेखि फलफूल वितरण र खुला जिमखाना उद्घाटन गरिएको हो । दिवस मनाउने क्रममा सहिद गेटमा माल्यार्पणसँगै प्रभातफेरी निकालिएको थियो । सो क्रममा महानन्द पार्कमा झण्डोत्तोलन गरिएको छ ।
यसैगरी पार्कमा निर्मित खुला जिमखाना उद्घाटनसमेत गरिनुका साथैइनरुवा अस्पतालमा रहेका बिरामीहरूलाई फलफूल वितरण समेत गरिएको छ । कार्यक्रममा जिल्ला समन्वय समिति प्रमुख राजन मेहता, नगरप्रमुख केदार भण्डारी, प्रमुख जिल्ला अधिकारी हुमकला पाण्डेलगायत सुरक्षा निकायका प्रमुख र कर्मचारीहरूको उपस्थिति थियो ।
