वराहक्षेत्र चतरास्थित विश्वकर्मा मन्दिरमा आज पूजाअर्चना गरिएको छ । वर्षमा एकदिनमात्र आजकै दिन खुल्ने मन्दिरमा स्थानीय यातायात व्यवसायी र सवारीधनीहरुले भक्तिभावपूर्ण रुपमा पूजाअर्चना गरेका छन् ।
यो क्षेत्रमा रहेको एकमात्र विश्वकर्मा मन्दिर यातायात व्यवसायीको पहलमा २५ वर्षअघि स्थापना भएको हो । झुम्का चतरा यो सडक खण्डमा दुर्घटना हुन थालेपछि यातायात व्यवसायीले रकम संकलन गरेर मन्दिर स्थापना गरेका थिए । वि.सं. २०५५ साल असोज १ गते स्थापना गरिएको यो मन्दिर वर्षमा एकपटक विश्वकर्मा पूजाका दिन खुल्ने गरेको छ ।
धार्मिक क्षेत्रका रुपमा स्थापित चतराधाममा विश्वकर्मा मन्दिर स्थापनाले महत्व राख्ने स्थानीय बताउँछन् । आजकै दिन नयाँ सवारी साधन खरिद गरी पूजाआजा गरेर प्रयोग गर्ने, कालिगडले उपयोगमा ल्याउने विभिन्न औजारका सामानमा पूजा आराधना गरेमा धेरै समय टिक्ने, कामका बेलामा नबिग्रने र राम्रो काम गर्न सकिनेलगायत गुण प्राप्त हुने धार्मिक विश्वास छ ।
तस्बिरहरु हेर्नुहोस्ः
