काठमाडौं /रंगकर्मी विष्णुभक्त फुयाँलको निधन भएको छ । फुयाँलको केहीबेर अघि काठमाडौँको वीर अस्पतालमा निधन भएको हो ।राष्ट्रिय नाच घर जमलमा मञ्चन भइरहेको महर्षि याज्ञवल्क्य नाटकको संवाद बोल्दाबोल्दै मञ्चमै ढल्न पुगेका उनलाई अस्पताल लगिएको थियो । अस्पताल लगिएको केहीबेरमै उनलाई मृत घोषणा गरेको अस्पतालमा रहेका बैकुण्ठ भण्डारीले पुष्टि गरे ।फुयाँल लामोसमयदेखि सुगर र युरिक एसिडबाट पीडित थिए । फुयाँलको दुई छोरा छन् ।‘अविरल बग्दछ इन्द्रावती’ लगायत दर्जनौँ टेलिशृंखलामा अभिनय गरेका फुयाँल रंगमञ्चका पुराना कलाकार हुन् ।
