‘यो साइनो मायाको’ गीत सार्वजनिक (सुन्नुहोस्)

रिलिज मिति घोषणा नगर्दै टीजर सार्वजनिक गरेर प्रचार प्रसार थालिएको चलचित्र ‘यो साइनो मायाको’ अब चैत ४ गतेबाट नेपाली सिनेमा हलहरुमा लाग्ने भएको छ । चलचित्रमा समाबेश ‘अमर रहोस्’ बोलको लिरिकल भिडियो गीत सार्वजनिक गर्दै निर्माणपक्षले चैत ४ गतेलाई रिलिज मिति लक गरिएको जानकारी दिएको हो । अरुणकुमार प्रधान निर्देशित चलचित्रको सार्वजनिक लिरिकल भिडियो गीतले प्रेमभाव बोल्छ । गीतमा चलचित्रका केहि स्थिर दृश्यहरु समावेश छन् । सार्वजनिक गीतमा संगीत कुन्दन थापाको छ भने स्वर मनिषा पोखरेल र कोशिश क्षेत्रीले दिएका छन् ।

रामकुमार श्रेष्ठ निर्माता रहेको चलचित्रलाई बाबुराम नेपालीले खिचेका हुन् । चलचित्रमा जतिन ताम्राकार, रेश्मा घिमिरे, किशोर भण्डारी (डिट्ठा साब), राजु कमेडी, सुनिता ठाकुर, दिवस उप्रेती, आर्यन प्रधान, उमा कार्की, नवनित प्रधान, काशिस शर्मा, प्रतिला थापा, मनोज खतिवडा, गौरव खतिवडा, सागरा डंगोल र सुनिल सुब्बाको मुख्य भूमिका रहेको छ । यो चलचित्रलाई काठमाडौंमा सुनिल मानन्धरले वितरणको जिम्मा लिएका छन् भने मोफसलमा एफडी कम्पनिले वितरणको जिम्मा लिएको छ ।

सुन्नुहोस् प्रेमको आभाष गराउने गीत