पाँचकन्या/धरान–२ स्थित नेशनल एकेडेमी विद्यार्थी सप्ताह–२०७३ सुरु भएको छ । सप्ताहअन्तर्गत भलिबल, फुटबल, वक्तृत्वकला, बुद्धिचाल, बास्केटबल, ब्याडमिन्टन, हाजिरीजवाफ, नृत्य, गायन, अभिनय र मोडलिङ जस्ता खेल र अन्य व्यक्तित्व विकास हुने खालका विधामा सप्ताह राखिएको प्राचार्य शालिकसतासक राईले जानकारी दिए । मङ्गलबार सुरु भएको भलिबल प्रतियोगितामा छात्रातर्फ दिलु राई, दुर्गा बस्नेत, तिर्था राई, सुशिला राई, इस्मी नेम्वाङ, मिदु शेर्पाको टिम बिजेता बनेको छ । यस्तै, छात्रतर्फ जुद्धराज राई, अजिन राई, विनोद राई, विकास राई, कैलाश राई, दिपशन राई, विराज राईको टिम बिजेता बनेको छ । ९ देखि सुरु भएर १४ गतेसम्म यस्ता प्रतियोगिता राखिएको प्रेसिडेन्ट देव सुब्बाले जानकारी दिए । अतिरिक्त क्रियाकलापअन्तर्गत विद्यार्थीहरुमा लुकेर रहेको प्रतिभा प्रष्फुटन र व्यक्तित्व विकासका लागि यस्तो कार्यक्रम राखिएको प्राचार्य राईले जानकारी दिए ।
