नेपालगञ्ज/ बाँके जिल्लाको डडुवा गाउँपालिका–१ पुडुवामा गएराति आगलागी हुँदा तीन बालबालिकाको मृत्यु भएको छ ।
स्थानीय मुन्सी मौरेको घरमा भएको आगलागीबाट उनका १० वर्षीया छोरी सोनी, ८ वर्षीय छोरा रामजी र ६ वर्षे छोरा पवन मौरेको मृत्यु भएको जिल्ला प्रहरी कार्यायले जनाएको छ । आइतबार राति १२ बजे सुरु भएको आगलागि १ बजे नियन्त्रणमा आएको थियो । नेपाल प्रहरी, सशस्त्र प्रहरी र स्थानीय जनताको प्रयासपछि आगो नियन्त्रणमा आएको हो । आगलागीबाट भएको अन्य क्षतिको विवरण प्राप्त हुन सकेको छैन । आगलागीको कारण खुल्न नसकेको प्रहरीले जनाएको छ ।
