बसको ठक्करबाट मोटरसाइकलमा सवारको मृत्यु

भेडेटार/धनकुटाको साँगुरीगढी गाउँपालिका ४ स्थित राजमार्गमा सोमबार यात्रुबाहक बसको ठक्करबाट मोटरसाइकलमा सवार एकको मृत्यु भएको छ । कोशी राजमार्ग अन्तर्गत धरानबाट हिले तर्फ जाँदै गएको को १ ख ५७६८ नम्बरको बसले बिपरीत दिशाबाट आउँदै गरेको को २९ प १०९३ नम्बरको मोटरसाइकललाई ठक्कर दिएको थियो । ठक्करबाट गम्भीर घाइते बनेका मोटरसाइकल चालक मोरङ लेटाङ नगरपालिका ८ बुधबारेका ५० वर्षीय कृष्ण श्रेष्ठलाई उपचारका लागि धरानस्थित बीपी कोईराला स्वास्थ्य बिज्ञान प्रतिष्ठानमा उपचारको क्रममा मृत्यु भएको थियो । ठक्कर दिने बस र चालकलाई प्रहरीले नियन्त्रणमा लिmएको इलाका प्रहरी कार्यालय भेडेटारले जनाएको छ ।