पथरी । राष्ट्रिय प्रजातन्त्र पार्टी मोरङका जिल्ला सदस्य तथा पथरीशनिश्चरे नगर अध्यक्ष जिवन कटुवाल नेकपा एमालेमा प्रवेश गरेको छ ।
शनिबार पथरीबजार चौकमा कोण सभाको कार्यक्रममा कटुवाल प्रवेश गरेको हो । उनलाई क्षेत्र नम्बर ३ का प्रतिनिधि सभाका उमेदावर तथा नेकपा एमालेका प्रमुख सचेतक भानुभक्त ढकाल र मोरङ क्षेत्र नं. ३ को संयुक्त निर्वाचन परिचालन कमिटीका संयोजक चण्डीप्रसाद राईले खादा ओढाई र टिका लगाएर स्वागत गरेका थिए । कटुवाल लामो समय देखि राष्ट्रिय प्रजातन्त्र पार्टीमा काम गर्दै आएका थिए । उनी न्यू पूर्वेलि फामेली होटलको संचालक पनि हुन । आगामी दिनमा देशमा पार्टी भनेको दुईवटा मात्र हुने निश्चत भएकोले दुईमध्ये जनताको इच्छा,आवश्यता पुरा गर्ने, देश बिकासमा लागी पर्ने पार्टीमा प्रवेश गरेको नव प्रवेशी कटुवालले कार्यक्रममा बताए ।
