रमिते डाँडामा बम

दोलखा,  दोलखाको भिमेश्वर नगरपालिकाको चोथाङ् रमिते डाँडामा बम भेटिएको छ । रमिते डाँडा नजिकै रहेको माङ्काल आधारभूत विद्यालय मतदान केन्द्रमा झोलामा राखिएको अवस्थामा दुईवटा बम भेटिएको प्रहरी निरीक्षक रमेश प्रधानले जानकारी दिनुभयो । बम भेटिएको ठाउँमा अहिलेसम्म डिस्पोजल टोली पुगेको छैन् । यसअघि दोलखा सडक डिभिजन कार्यालय अगाडिको सडकमा भेटिएको बम सेनाले डिस्पोज गरेको छ । यसैगरी, लामासाँघु–जिरी सडकखण्डमा पर्ने भिमेश्वर नगरपालिकास्थित बालगृह अगाडि भेटिएको शंकास्पद वस्तु डिस्पोज गर्न डिस्पोजल टोली पुगिसकेको छ ।