भोजपुरी फिल्म स्टार दिनेशलाल यादव (निरहुआ) को फिल्ममा नेपाली कलाकार सबिन श्रेष्ठको अभिनय रहेको छ। फिल्म ‘निरहुआ चलल लण्डन’ मा उनी भिलेनको रुपमा देखिएका छन्।
नेपालमा ४० प्रतिशत छायांकन भएको फिल्मको इण्डक्ल्याप लण्डनमा भयो। अन्तिम सिनका लागि सबिन पनि लण्डनमै रहेका छन्। फिल्ममा निरहुआ र सविनसँगै भोजपुरी फिल्मकी सुपरस्टार अभिनेत्रीमा आम्रपाली दुबे, सुनिल थापा, सोनु खत्री लगायतको मुख्य भूमिका रहेको छ। फिल्मलाई नेपाली द्वन्द्व निर्देशक चन्द्र पन्तले निर्देशन गरेका हुन्।
३ करोड बढि बजेटको भनिएको फिल्मलाई सोनु खत्रीले निर्माण गरेका हुन् भने मानकृष्ण महर्जनले क्यामेरा चलाएका छन्। फिल्ममा रामजी लामिछाने र कविराज गहतराजको कोरियोग्राफी गरेका छन्।
