सिनेमा ‘२ रुपैयाँ’को टिमले नयाँ सिनेमा निर्माण गर्ने भएको छ । ‘अनटाइटल’ रहेको सिनेमामा निर्देशक तथा नायकद्धय निश्चल बस्नेत र असीम शाहको मुख्य भूमिकामा रहने छ । पछिल्लो केही दिन यता ‘२ रुपैयाँ’को सिक्वेल बन्ने समाचार बाहिरिएको थियो । २ रुपैयाँका निर्देशक असीम शाहले भने -‘अहिले २ रुपैयाँको सिक्वेल बन्दैन ।
हामी पुरानो टिम मिलेर नै नयाँ सिनेमा निर्माण गर्न लागेका हौँ तर सिक्वेल होइन ।’ निर्देशकिय हिसाबमा असीमको यो दोस्रो सिनेमा हो । उनी भन्छन्- ‘अहिले हामी स्किृप्टमा बसिरहेका छौ । तर तेस्रो सिनेमाको रूपमा २ रुपैयाँको सिक्वेल निर्देशन गर्ने छु ।
त्यसको लागी अझ केही समय लाग्ने छ ।’ सिनेमाको नाम केही समय पछि सार्वजनिक गरिने उनले बताए । नयाँ सिनेमाको लागी नायिका स्वस्तिमा खड्का रहने सिन नगरीमा चर्चा छ । कथा मेरो हातमा छ, बजारमा हल्ला जति चलेता पनि नायिकाको तय भइसकेको छैन । ’ अनटाइटल सिनेमा भने असोज ५ गते रिलिज हुने उनले जानकारी दिए ।
