पथरी/ इलाका प्रहरी कार्यालय रंगेलीले मोरङको रंगेली नगरपालिका-६ बाट लागूऔषध सहित एकजनालाई पक्राउ गरेको छ । गहुँ बोकेर बिराटनगरतर्फ जार्दै गरेको को १ त ६४२५ नम्बरको ट्याक्टर सहित सुनवर्सि नगरपालिका -८ घर भएका बर्ष ३८ का सहिम मियाँलाई पक्राउ गरेको हो । 
रंगेली-बिराटगर सडक अन्तरगत मधुवनी चोकमा चेकजाँच गर्ने क्रममा प्रहरीले उनिहरुको साथबाट ४ चार वोतल नेपालमा प्रतिब्धित लागू औषध कोरेक्स फेला परेको थियोे । उक्त टूयाक्टरलाई नियन्त्रणमा राखेर ट्याक्टरमा भएको गहुँ प्रहरीले पुनः सबै झारेर हेर्दा ट्याक्टरबाट थप ५ बोतल कोरेक्स फेला पारेको प्रहरीले जनाएको छ । ट्याक्टर र मियाँलाई सोमबार लागुऔषध ओसार-पोसारको अभियोगमा मुद्दा दर्ता गरिएको र दोषि ठहर भए १ लाख देखि २० लाख रुपैयाँ तथा २ बर्ष देखि १० बर्ष सम्मको सजाय हुन सक्ने इलाका प्रहरी कार्यालय रंगेलीका प्रहरी निरिक्षक कबिन्द्र कार्कीले बताए ।
