पथरीशनिश्चरे । मोरङको पथरी शनिश्चरे नगरपालिकाको १० लाख रुपैयाँको लागतमा निर्मित डाँस गंगासागर आर्यघाटको उद्घाटन् भएको छ ।
वडा नम्वर १० जिरिखिम्ती उत्तरमा निर्मित दाहसंस्कारस्थलको नगर प्रमुख दिलीपकुमार राई, उपप्रमुख यमुना विष्ट वास्तोला, वडाध्यक्ष सागर राई सहितका जनप्रतिनिधिहरुले विहीवार उद्घाटन् गरेका हुन् ।
उद्घाटन्को सन्दर्भमा सोही वडाको संगमचोक निवासी रामवहादुर कार्कीको दाहसंस्कार गरिएको छ । उद्घाटन्का दिन दाहसंस्कार गरिएका कार्कीको परिवारलाई नगरपालिकाको तर्फबाट २० हजार रुपैयाँ सहयोग समेत हस्तान्तरण गरिएको वडाध्यक्ष सागर राईले जनाए ।
