उदयपुर । एक महिलाई अपहरण गरि गाडिमा सामुहिक बलात्कार गर्ने चार जनालाई जिल्ला प्रहरी कार्यालय उदयपुरले सोमबार सार्बजनिक गरेको छ । पक्राउ गरि सार्बजनिक गरिएकोहरु सिरहा लहान नगरपालिका ७ का २४ वर्षिय अमित गुप्ता, सोही निवासी २५ वर्षिय सन्देश गुप्ता, २५ वर्षकै विवेश साह र सिरहो मिर्चैयाको २६ वर्षिय नितेशकुमार साह रहेका छन् । त्रियुगा नगरपालिका ६ स्थित लालपत्ता प्रहरी चौकीले चेकजाँच गर्ने क्रममा लहानबाट गाईघाट तर्फ आउदै गरेको बा १४ च ६८१७ नम्बरको स्कारर्पियो गाडीमा नग्न अवस्थाकी एक महिला र मदिराले लठ्ठीएको चार जनालाई प्रहरीले फेला पारी पक्राउ परेको थियो । पिडित महिलाले आफुलाई अपहरण गरी जबरजस्ती बलात्कार गरेको बयान दिएकी छिन् । भने हस्पिटल रिपोर्टमा पनि दोसी ठहर गरेकोले चारैजनालाई अपहरण तथा जबरजस्ती करणी मुद्दा चलाउने प्रहरि नायव उपरिक्षक नवराज भट्टले बताए ।