धरान । धरान–१७ स्थित सम्यक शिक्षा आधारभूत विद्यालयका विद्यार्थी, अभिभावक, तथा धरान राउन्ड टेबलले सोमबार संयुक्त रूपमा विद्यालय सरसफाइ गरेका छन् ।

धरान राउन्ड टेबलका कोषाध्यक्ष कृष्ण अटलको सभापतित्व भएको सफाइको क्रममा विद्यालयलाई तीन थान डस्टबिन प्रदान गरिएको छ । विद्यालयको खेल मैदानको घाँस काट्न बर्सेनी १० हजार रुपैयाँ खर्च गर्दै आएकोमा यसपटक भने अभिभावक, विद्यार्थी र राउण्ड टेबलका प्रतिनिधि मिलेर सफाइ गरेको विद्यालयका प्रअ सरोज श्रेष्ठले बताए ।