भद्रपुर । सहिद मनोज झपेन्द्रको २६ औं स्मृति दिवसको अवसर पारेर चन्द्रगढीमा सम्पन्न रक्तदान कार्यक्रममा एक सय ३ जनाले रक्तदान गरेका छन् ।
नेपाल निजामती कर्मचारी सङ्गठन झापा र राष्ट्र सेवक सहकारी संस्था लिमिटेड भद्रपुर १० को आयोजनामा सम्पन्न रक्तदान कार्यक्रममा ११ जना महिला सहित १०३ जनाले रक्तदान गरेका हुन् ।
नेपाल निजामती कर्मचारी सङ्गठन झापाका अध्यक्ष केदार पोखरेलको अध्यक्षता तथा जिल्ला समन्वय समिति झापाका प्रमुख सोमनाथ पोर्तेलको प्रमुख आतिथ्यमा सम्पन्न रक्तदानको उद्घाटन निजामतीकर्मचारीहरूको आधिकारिक ट्रेड युनियन झापाका अध्यक्ष लक्ष्मीप्रसाद गुरागाइले रगत दिएर सुभारम्भ गरिएको थियो । कार्यक्रममा पेशागत महासंघ प्रदेश नम्बर १ का अध्यक्ष देवराज कार्की, भद्रपुर नगरपालिकाका प्रमुख जीवनकुमार श्रेष्ठ लगायतले शुभकामना मन्तव्य राखेको कार्यक्रमको सञ्चालन संगठन झापाका सचिव तेजप्रसाद रेग्मीले गरेका थिए । त्यसैगरी सङ्गठनले प्रत्येक वर्ष प्रदान गर्दै आएको पुरस्कारमा पत्रकार गोपाल काफ्ले,कर्मचारीमा अर्जुन पोखरेल र डाक्टर गोविन्द कँडेललाई वितरण गर्ने घोषणा समेत गरेको जनाएको छ ।
