एअरपोर्टबाटै हराएको बहुचर्चित ३३ किलो सुनको विषयमा तीज गीत बनेको छ । लोक तथा दोहोरी गायक र मोडल सज्जन बोहोराले लोकदोहोरी गायिका विमला श्रीषसँग मिलेर यस वर्षको तीज गीतमा ३३ किलो सुनको विषय उठाएका हुन् । सामाजिक विषयवस्तुमा ३३ किलो सुन काण्डको सन्दर्भलाई समावेश गरी गीत एवम् भिडियो निर्माण गरिएको छ । गायक बोहोरा र गायिका श्रीषको आवाज रहेको उक्त गीतको शब्द प्रवीण खत्रीले सङ्कलन गरेका हुन् भने बोहराले लय सङ्कलन गरेका छन् । उक्त गीतको म्युजिक भिडियोमा गायक बोहोरा र गायिका श्रीषले नै अभिनय गरका छन् । मेसना डिजिटल कम्पनीबाट युट्युबमार्फत् सार्वजनिक गरिएको उक्त गीतको म्युजिक भिडियो एकेन्द्र सारा शङ्करले निर्देशन गरेका छन् ।
