पानवारी । जिल्ला युवा समितिको आयोजनामा युवा मेलाको आयोजना हुने भएको छ ।
अगस्ट १२ तारिख अन्तराष्ट्रिय युवा दिवसलाई सप्ताहव्यापी रूपमा मनाउने भन्दै समितिले विभिन्न कार्यक्रममको आयोजना गर्ने भएको हो । युवा दिवस, जिल्लाका युवा तथा युवाका क्षेत्रमा कार्यरत संस्थाहरुको आयोजनामा विभिन्न कार्यक्रम गरी सप्ताहव्यापी रुपमा मनाउने र अन्तिम दुई दिन श्रावण २६ र २७ गते युवा विकास केन्द्रको प्रांगणमा युवा मेला लगाइने समितिका अध्यक्ष हर्कजंग एभेङले बताए ।
उनका अनुसार मेलामा सामाजिक स्टल, सांस्कृतिक सहित चेतनामूलक कार्यक्रमकाे आयोजना गरिनेछ । ‘प्रादेशिक युवा ऐन निर्माणः अधिकार र भूमिका’ विषयक अन्तरक्रिया कार्यक्रम गरी सप्ताहव्यापी कार्यक्रमको उद्घाटन गरिने समितिका अध्यक्ष एभेङले जनाएका छन् ।
सप्ताहव्यापी कार्यक्रममा प्रजनन् स्वास्थय चेतना, रक्तदान कार्यक्रम, हाजिरी जवाफ, स्लो बाइक रेस, दौड, कविता महोत्सव, नाटक प्रदर्शनी लगायतका कार्यक्रम आयोजना हुने जिल्ला युवा समितिले जनाएको छ । विभिन्न कार्यक्रम व्यवस्थापन गर्न तारा चाम्लिङ राईको संयोजकत्वमा व्यवस्थापन समिति गठन भएको छ ।
