बिर्तामोड/इलाका प्रहरी कार्यालय सुरुङ्गाको गाडीले ठक्कर दिएर गम्भिर घाइते भएका बुद्धशान्ति गाउँपालिका वडा नम्वर १ का पंकज कोइरालाको उपचारका क्रममा मृत्यु भएको छ । 
सोमवार साँझ कनकाई नगरपालिका वडा नम्वर १ दुर्गापुरमा भएको सवारी दुर्घटनामा कोइराला गम्भि। घाइते भएका थिए । घाइतेको विएण्डसी हस्पिटलमा उपचारत रहेको अवस्थामा मंगलवार विहान मृत्यु भएको जिल्ला ट्राफिक प्रहरी कार्यालय झापाले जनाएको छ ।
हाइ–वे गस्तीका क्रममा पूर्वबाट पश्चिम जाँदै गरेको प्रहरीको ना.१ झ ५८६ नम्बरको भ्यान र पश्चिमबाट पूर्व तर्फ आउँदै गरेको मे ८ प १२२३ नम्वरको स्कुटी एकअर्कामा ठोकिएका थिए । दुर्घटनाका क्रममा मृतक कोइरालाको टाउकोमा गहिरो चोट लागेको ट्राफिक प्रहरी कार्यालयले जनाएको छ ।
