विराटचोकमा रहेको थापा सुनचाँदी पसलमा दिउँशो करिब १२ बजेतिर पेस्तोल देखाउँदै ब्रासलेट लुटेका थिए । स्थानीय छत्रबहादुर न्यौपानेको सुन पसलमा पेस्तोल देखाउँदै ९.७७ ग्रामको ब्रास लुटेर भाग्दै गर्दा स्थानीयहरुले करिब पाँचसय मीटर लखेटेर पक्राउ गरेका थिए ।
घटनाको जानकारी पाए लगत्तै ईलाका प्रहरी कार्यालय बेलबारीका प्रहरी निरीक्षक रामकुमार राई घटना स्थलमा पुगेका थिए । प्रहरीले लुटेरालाई घटना स्थलबाटै नियन्त्रणमा लिएको छ ।
पक्राउ पर्ने लुटेरा भोजपुर दिङ्ला २ घर भई हाल धरान घर बताउने गोपाल दाहाल(वि.क.) रहेको प्रहरी निरीक्षक राईले बताएका छन् । पक्राउ परेका विकबाट ७.६ एमएमको राउण्ड लाग्ने एक थान स्वचालित पेस्तोल र ब्रासलेट बरामद गरेको छ । घटना बारे थप अनुसन्धान भई रहेको प्रहरीले जनाएको छ ।
