धरान । एकिकृत नेकपा माअाेवादी धरानका सहसंयाेजक तथा वाइसिएलका सुनसरी उपाध्यक्ष दिपेश श्रेष्ठका निधन भएकाे छ ।
विगत लामाे समयदेखि ब्लड क्यान्सरबाट पीडित श्रेष्ठकाे उपचारकाे क्रममा भरतपुर क्यान्सर अस्पताल चितवनमा निधन भएकाे हाे । जातीय हित र अधिकारको पक्षका साथै नेवारी रीतिरीवाज, भाषा, साहित्य, कला, तथा चाड पर्वको सम्बर्दनका लागि उनी सक्रिय रुपमा काम गर्दै आएका थिए ।
धरान–५, देउराली निवासी दिपेशको २ वर्ष अघि मात्र विवाह भएको थियो । उनको परिवारमा श्रीमति र डेढ वर्षका छोरा छन् । उनको स्वास्थ्यमा जटिल समस्या आउन थालेपछि उनको उपचारका लागि परिवारले रकम जुटाउन थालेको थियो । उनकाे आज दिउँसो १२ बजे धरान-५ माथिल्लो देउरालीबाट शवयात्रा सुरू हुने नेकपा धरानका संयोजक फोक्वाहाङ सुब्बा चोत्लुङ्गले जानकारी दिएका छन् ।
