पथरी । इलाका प्रहरी कार्यालय पथरीले लागुऔषध सहित दुईजना युवालाई मोरङको पथरीशनिश्चरे –६, शान्ति चोकबाट पक्राउ गरेको छ । सुनबर्षि नगरपालिका –२ बस्ने बर्ष २८ को महमत दाजुन र बर्ष २० को महमत दानविरलाई प्रहरीले पक्राउ गरेको हो । प्रहरीको गस्ती टोलिले शुक्रबार साँझ ६ बजे उनीहरुलाई १६५ ट्यावलेट नाइट्रो भेट र १ सय एमएलको १ बोतल कोरेस सहित पक्राउ गरेको थियो ।
पैदल आउँदै गरेको युवाहरुलाई रोकेर खानतलासी गर्दा शरिरको बिभिन्न भागमा राखेको अवस्थामा पक्राउ गरेको इप्रका पथरीका इस्पेक्टर कमल बंजगाईले बताए । त्यस ठाउँमा लागुऔषधको कारोबार हुन्छ भनेर स्थानीयले प्रहरीले सुचना दिए पछि प्रहरीले त्यस ठाउँमा निगरानी बढाएको थियो । उनिहरुलाई लागुऔषध ऐन अन्तरगत मुद्दा चलाएको इस्पेक्टर बंजगाईले बताए ।
