भद्रपुर । प्रतिबन्धित लागूऔषधसहित दुइजनालाइ प्रहरीले पक्राउ गरेको छ । मोटरसाईकलमा लागूऔषध ओसारपसार गरी रहेका छन् भन्ने गोप्य सूचनाको आधारमा प्रहरी गस्ती टोलीले झापा कमल गाउँपालिका–५ लवडाँडामा मानिस पक्राउ गरेको हो पूर्वबाट पश्चिम तर्फ आईरहेको २२० सिसीको वनटेस्ट मोटरसाईकललाई चेकजाँच गरी मोटर साइकल चालक दमक नगरपालिका– ५का ३२ वर्षिय टिनुवा प्रकाश भन्ने प्रकाश माझी र मोटरसाईकल पछाडी बस्ने चालककी श्रीमती २५वर्षिया कबिता माझि पक्राउ परेको जिल्लाका डिउसपी जितेन्द्र कुमार बस्नेतले जनाए । प्रहरीले उनिहरुको साथबाट २ वटा कालो प्लास्टिक झोलामा रहेको डाईजेपाम १२२ एम्पुल, फेनरागन १२२ एम्पुल र लुपिजेसिक १२२ एम्पुल गरी जम्मा ३सय ६६ एम्पुल बरामद गरिएको बस्नेतको भनाइ छ । लागूऔषध सहित मानिसलाइ नियन्त्रणमा लिइ थप अनुसन्धान भइरहेको प्रहरीले जनाएको छ ।