मोरङको मिक्लाजुङ गाउँपालिका – ८ स्थित देवकोटा माध्यमिक बिद्यालयमा आइतबार सोही ठाउँका प्रबेश कुँवरले सहयोग उपलब्ध गराएकाछन् । विद्यालयमा अध्ययनरत विद्यार्थीहरुका लागि स्वच्छ पीउने पानी उपलब्ध गराउने उदेश्यले १ थान पानी फिल्टर, १ थान तातो पानी तताउने फिल्टर सहित अन्य सामग्री उपलब्ध गराएका हुन् ।
विद्यालयका एक कार्यक्रमकाबीच विद्यार्थीहरुलाई स्वच्छ पानी पिउनका लागि वाटर फिल्टर, १३ वटा जार , १३ वटा बाल्टी, १३ वटा गिलास, १३ वटा डस्बिन, एउटा तातोपानी र चिसो पानी बनाउने फिल्टर, एक/एक वटा फुटबल र भलिबल, दुई सेट ब्याटमिन्टन र तीन सय लिटरको पानी ट्याङ्की सहयोग गरिएकाे छ ।
विद्यालयको शिक्षक अभिावक संघका अध्यक्ष समेत रहेका कुँवरले रु ७० हजार बराबरको सो सामान सहयोग गरेका हुन् । विद्यालयमा बाल कक्षा देखी १० सम्म ४ सय ५० जना विद्यार्थी अध्ययनरत रहेका छन् ।
