धरान/ निजी तथा आवासीय विद्यालय अर्गनाइजेशन (प्याब्सन) नगर कार्य समितिले २८ औं स्थापना दिवसको अवसरमा धरान रन समूहलाई जुत्ता प्रदान गरेको छ ।
धरान रन समूहलाई ३० जोर जुत्ता प्रदान गरेको हो । समूहका अध्यक्ष रमु राईलाई प्याब्सनका पदाधिकारीले जुत्ता प्रदान गरेका थिए । नगर अध्यक्ष राजकुमार लिम्बूको अध्यक्षतामा भएको कार्यक्रममा प्याब्सन सुनसरीका वरिष्ठ उपाध्यक्ष अनुप योञ्जन, वरिष्ठ सल्लाहकार मुगाधन राई, नरबहादुर थापालगायतले उनलाई सो सामग्री हस्तान्तरण गरे ।
प्याब्सनले सुनसरीको विभिन्न क्षेत्रमा कार्यक्रम गर्दै सामग्रीहरू हस्तान्तरण गरेको वरिष्ठ उपाध्यक्ष योञ्जनले बताए । रन समूहका अध्यक्ष राईले नेवाः च्यारिटी ८ के रन यसपटकदेखि धरान १० के रन हुने बताए ।
