उर्लाबारी/ सप्तकोशी आवाशिय उच्च मावि उर्लाबारीले आफ्नो रजत जयन्तीको अवसरमा विभिन्न कार्यक्रमहरु गर्दै आएको छ ।
यसै क्रममा शुक्रबार विद्यालय परिसरमा समाचार वाचन, अभिनय, लिटिल स्पिच, चित्रकला लगायतका प्रतियोगितात्मक कार्यक्रम भएको छ । विद्यालयले आफ्नो रजत जयन्ती समारोह कार्यक्रममा २५ विद्यामा २५ जना स्टार घोषणा गर्ने तयारी गरेको विद्यालय व्यवस्थापन समितिका अध्यक्ष मिश्र वैजयन्तीले बताएका छन् ।
समाचार वाचन प्रतियोगितामा अस्मिता सुवेदी प्रथम, रुपेश न्यौपाने द्धितिय, एलिसा दाहाल तृतिय र सुमित्रा काफ्ले सान्त्वना भएका छन् । समाचार वाचनको फाईनल प्रतिश्र्धामा ८ जना विद्यार्थीले भाग लिएका थिए ।
समाचार वाचनको निर्णायकमा प्राईम एफएमका समाचार संयोजक सुमन घिमिरे, पाथीभरा एफएमका समाचार सम्पादक लोकनाथ रिजाल र पत्रकार घनश्याम भण्डारी निर्णायकको जिम्मेवारी भूमीका निभाएका थिए ।
विद्यालयका संस्थापक प्रिन्सिपल लेखनाथ भट्टराईले विद्यालयले वर्ष भरीनै विविध कार्यक्रम संचालन गर्दै आएको जनाएका छन्।
