धरान/ एक्वा सेकेण्डरी इङ्लिस स्कुल धरान–१७ का विद्यार्थीहरूले आफूमा भएका कला प्रदर्शन गरेका छन् ।
स्कुलको प्रथम वार्षिकोत्सवका अवसरमा उनीहरूले नाटक, नृत्य र गायनकला प्रदर्शन गरे । स्कुलले अभिभावक, शिक्षक र विद्यार्थीलाई सम्मान गर्यो । कार्यक्रमका प्रमुख अतिथि धरान उपमहानगरका विद्यालय निरीक्षक रुद्र राईले संस्थागत स्कुलहरूमा अनुशासनका नाममा यातना दिने, कुट्ने क्रम बढेकाले त्यस्ता कार्यलाई हटाउनु पर्ने बताए ।
उनले भयरहित वातावरणमा मात्र बालबालिकाको क्षमता प्रस्फुटन हुन सक्ने बताए । स्कुलका प्रिन्सिपल धनबहादुर राई (अनिस)ले आफूहरू सधैँ बालबालिकाको सिकाइमा केन्द्रित रहेको बताउँदै अभिभावकहरूसँग छलफल गरेर अघि बढ्ने गरेको बताए ।
