इटहरी / इटहरीस्थित मकालु इङ्लिस बोर्डिङको १८ औं वार्षिक उत्सव तथा अभिभावक दिवस शुक्रबार सम्पन्न भएको छ । विद्यालय परिसरमा आयोजना गरिएको कार्यक्रममा विद्यालयमा अध्यनरत उत्कृष्ट छात्र छात्रालाई पुरस्कार प्रदान गरिएको थियो ।
प्रदेश नम्वर १ का साँसद सर्वध्वज साँवाको प्रमुख आतिथ्यतामा भएको कार्यक्रमको अध्यक्षता मकालु इङिलस बोर्डिङ स्कुलका प्रिन्सिपल थानेश्वर ढकालले गरेका थिए । कार्यक्रममा प्रमुख अतिथि साँवा सहित विद्यालय व्यवस्थापन समितिका सदस्य सञ्जीव कटुवाल, नृत्य निर्देशक राजु लुइटेललगायतले शुभकामना मन्तव्य राखेका थिए । विद्यालयको १८ औं वार्षिक उत्सव तथा अभिभावक दिवसका अवसरमा विद्यार्थीहरुले नाटक, नृत्य, कविता प्रतियोगिता, विभिन्न गीत तथा नृत्य प्रस्तुत गरेका थिए । सो अवसरमा विद्यालयको समिक्षा तथा आगामी कार्यक्रमको योजनाबारे छलफल गरिएको प्रिन्सिपल ढकालले बताए ।
