धरान । शैक्षिक सत्र ०७५ सकिँदै गर्दा धरान–१२ स्थित पब्लिक उच्च माविले कक्षा–१२ का विद्यार्थीहरूलाई शुक्रबार बिदाइ गरिएको छ ।
बिदाइ कार्यक्रममा साङ्गीतिक प्रस्तुतिका साथै नाटक, कविता, गजल, बिटबक्स र हास्यव्यङ्ग्य लगायतको सहक्रियाकलापहरू प्रस्तुत गरिए । विद्यालयका प्रधानाध्यापक इन्द्रमोहन झाले आगामी बैशाख ६ गते विद्यालयले ‘प्रयुस’ नामक पत्रिका विमोचन गर्ने बताए । विद्यालयका २०३१ सालका ब्याचले पत्रिका प्रकाशन गर्ने र पत्रिका विमोचनको दिन स्कुल बसको उद्घाटन गर्ने पनि प्रधानाध्यापक झाले जानकारी दिए । कार्यक्रममा विद्यार्थीका साथै विद्यालय व्यवस्थापन समितिका अध्यक्ष हरिबहादुर कार्की, शिक्षक अभिभावक सङ्घका अध्यक्ष पदमप्रसाद चौंलागाईं, अभिभावक र शिक्षक उपस्थित थिए । विदाइ कार्यक्रम विद्यालय परिवार र कक्षा(११ का विद्यार्थीले आयोजना गरेका थिए ।