इटहरी । इटहरीस्थित क्रिम्सन एकाडेमीको अभिभावक दिवस विविध कार्यक्रम गरी सम्पन्न भएको छ । विद्यालय प्राङ्गणमा शुक्रबार आयोजना गरिएको कार्यक्रममा विद्यार्थीहरूले गीत तथा नृत्य प्रस्तुत गरेका थिए ।
इटहरी बजारमा भएर पनि शैक्षिक क्षेत्रमा पछि परेको इटहरी–२ को हवाई चौकमा चार वर्षअघि सो विद्यालयको स्थापना भएको हो । कार्यक्रममा इटहरी २ नम्बरका वडाअध्यक्ष हर्कबहादुर मगर, जनता बहुमुखी क्याम्पस इटहरीका सहायक क्याम्पस प्रमुख टोलनाथ काफ्ले, नेपाल पत्रकार महासङ्घ सुनसरीका अध्यक्ष अमर खड्का, नेपाली काङ्ग्रेसका नेता फूलराज सुवेदीलगायतले शुभकामना मन्तव्य राखेका थिए ।
कार्यक्रममा विद्यालयका डाइरेक्टर एवम् जनता बहुमुखी क्याम्पस प्राध्यापक सङ्घका सभापति अर्जुनकुमार उप्रेतीले विद्यालयको आगामी कार्यक्रमका बारेमा जानकारी गराएका थिए ।
विद्यालय सञ्चालक समितिका अध्यक्ष मोतीप्रसाद दाहालको अध्यक्षतामा भएको कार्यक्रममा विद्यालयका सहायक प्रिन्सिपल विमला लुइटेलले स्वागत मन्तव्य राखेकी थिइन् । सोही अवसरमा विद्यार्थीहरूले गीत तथा नृत्य प्रस्तुत गरेका थिए ।
