विराटनगर/ विराटनगरमा मिस एसईई मोरङको तयारी सुरु भएको छ ।
यस वर्षको एसइई परीक्षा दिएर बसेका किशोरीहरूलाई लक्षित गरि आयोजना गर्न लागिएको प्रतियोगिताको पहिलो अडिसन चैत २९ गते विराटनगरमा हुने आयोजक ड्रिम मिडिया इन्टरटेन्मेन्टका सदस्य अर्जुन श्रेष्ठले जानकारी दिए ।
प्रतियोगिताको बिजेताले नगद ३० हजार रुपैयाँ साथै ५ लाख मुल्य बरावरको जीवन बिमा गरिने आयोजकले जनाएको छ । प्रतियोगिताको फस्ट रनरअपले २० हजार र ४ लाख ५० हजारको जीवन विमा र सेकेण्ड रनरअपले १५ हजार तथा ३० लाखको जीवन विमा सुविधा पाउने ड्रिम मिडियाका अध्यक्ष सुमन श्रेष्ठले बताए ।
मोरङका उर्लाबारी, बेलबारी र रङ्गेलीमा समेत अडिसन हुने बताइएको छ । प्रतियोगिताको फाइनलका लागि ३० जना प्रतियोगि छनौट गरिने भएको छ । फाइनल जेठको पहिलो साता हुने बताइएको छ । प्रतियोगिता समापन गर्न करिब ८ लाख ५ हजार रुपैयाँ खर्च हुने आयोजकले अनुमान गरेको छ ।
