विराटनगर । विराटनगर – ३ स्थित पोखरीय माध्यमिक विद्यालयले ५९ औं वार्षिक उत्सव तथा अभिभावक भेला विभिन्न कार्यक्रम आयोजना गरि मनाएको छ । स्कूलले शनिबार एक कार्यक्रमको विच वार्षिक उत्सव र अभिभावक भेला मनाएको हो ।
सोही अवसरमा स्कूलले विराटनगरका पाँच जना पत्रकारलाई सम्मान गरेको छ । पत्रकारहरू जितेन्द्र साह, बन्धु पोखरेल, शंकर खरेल, अर्जुन आर्चाय र विनु तिम्सिनालाई सम्मान गरेको हो । सम्मानित हुनेहरूलाई १ नम्बर प्रदेशको आर्थिक मामिला तथा योजना मन्त्री इन्द्र आङ्बो, विद्यालयका प्रधानध्यापक खेमराज भट्टराईले कदर पत्र र दोसल्ला ओढाएर सम्मान गरेका थिए । त्यस्तै विद्यालयका शिक्षक, उत्कृष्ट हुने विद्यार्थीहरूलाई समेत सम्मान गरियो । कार्यक्रममा विद्यार्थीहरूले साँस्कृतिक नृत्य तथा गायन प्रस्तुत गरि सहभागिलाई मनोञ्जन प्रदान गरे ।
