यस वर्ष एसईई परीक्षा दिएकी नायिका करिश्मा मानन्धरले ‘एसईई परीक्षा’ मा ‘बी प्लस’ ग्रेड ल्याएकी छिन् भने सांसद शान्ता चौधरीले बी ग्रेड पाएकी छन् ।
सार्वजनिक भएको नतिजाअनुसार सांसद चौधरी र नायिका करिश्माले क्रमश २.६५ जीपीए र ३ जीपीए ल्याएका छन् । नायिका मानन्धरले एसईई परीक्षाको रिजल्टबाट आफू निकै खुशी भएको बताइन् ।
यसै वर्ष परीक्षा दिएकी सांसद चौधरीकी छोरीले भने बी प्लस ल्याएकी छन् । सांसद चौधरीले अब उच्च शिक्षा अध्ययन गर्ने बताएकी छन् ।
त्यस्तै नायिका मानन्धरले अब व्यवस्थापन विषय लिएर प्लस टु पढ्ने प्रतिक्रिया दिएकी छन् ।
