उर्लाबारी । पूर्वोत्तर मोरङका संस्थागत विद्यालयहरूको स्थानीय सङ्गठन (कोपेब्स) को शुक्रबार भएको साधारणसभाबाट अध्यक्षमा पथरीशनिश्चरेका टीकाप्रसाद दङ्गाल निर्वाचित भएका छन् ।
सङ्गठनको उपाध्यक्षमा मिक्लाजुङका अमित खड्का, सचिवमा उर्लाबारीका कमलराज गौतम, कोषाध्यक्षमा रतुवामाईका यामनाथ अधिकारी तथा सदस्यहरूमा उर्लाबारीका सुरेन्द्र सुवेदी, पथरीका उपेन्द्र कँडेल, रतुवामाईका विश्वास ढकाल, मिक्लाजुङका विकास गुरुङ र गोपालप्रसाद रिमाल निर्वाचित भएका हुन् ।
कार्यक्रम सङ्गठनका कार्यवाहक अध्यक्ष भूवन श्रेष्ठको अध्यक्षता तथा प्याब्सनका केन्द्रीय सदस्य लेखनाथ भट्टराईको प्रमुख आतिथ्यमा भएको थियो । सङ्गठनमा मिक्लाजुङ, उर्लाबारी, रतुवामाई र पथरीशनिश्चरेका निजी विद्यालयका सञ्चालकहरू आबद्ध रहेका छन् ।
